தலைவர் தீபாவளி- முத்து டூ அண்ணாத்த!

நவம்பர் தீபாவளியை தற்போதே கொண்டாட தொடங்கிவிட்டனர் ரஜினி ரசிகர்கள்.

ஹைதராபாத் : ரஜினியின் 168ஆவது படமாக உருவாகியுள்ளது அண்ணாத்த. இந்தப் படத்தை சிறுத்தை சிவா எழுதி இயக்கியுள்ளார். சன் பிக்சர்ஸ் நிறுவனம் தயாரித்துள்ளது.

படத்தில் ரஜினிகாந்துடன் இணைந்து நயன்தாரா, மீனா, குஷ்பு, கீர்த்தி சுரேஷ், பிரகாஷ் ராஜ், சூரி, சதீஷ் உள்ளிட்ட திரை நட்சத்திரங்கள் நடித்துவருகின்றனர். படப்பிடிப்பு ஹைதராபாத்தில் நடைபெற்றது. அப்போது, ரஜினிகாந்தின் உடல் நலக்குறைவு காரணமாக படத்தின் படப்பிடிப்புகள் தள்ளி போனது.

அண்ணாத்த

இதனால் படத்தின் வெளியிட்டு தேதியை திட்டமிட்டப்படி அறிவிக்க முடியவில்லை. இந்நிலையில் தீபாவளி ரேஸில் அண்ணாத்த என்ற அறிவிப்பை சன் பிக்சர்ஸ் நிறுவனம் அறிவித்திருந்தது. இந்த அறிவிப்பு ரஜினி ரசிகர்களை திக்குமுக்காடச் செய்துள்ளது. அவர்கள் பல இடங்களிலும் கொண்டாட்டங்களில் ஈடுபட்டனர். தீபாவளிக்கு ரஜினி காந்த் படம் திரைக்கு வருவதால் மற்ற படங்கள் பின்வாங்கும்.

ரஜினியுடன் இயக்குனர் சிறுத்தை சிவா

கடந்தாண்டு ரஜினி நடிப்பில் ஏ.ஆர். முருகதாஸ் இயக்கத்தில் வெளியான தர்பார் பொங்கல் விருந்தாக திரைக்கு வந்திருந்தது. இதேபோல் 2019ஆம் ஆண்டு பேட்ட திரைப்படம் வெளியானது. அப்போது அஜித் குமாரின் விஸ்வாசம் ரஜினி படத்துடன் போட்டி போட்டது. இந்தப் படத்தை சிறுத்தை சிவா இயக்கியிருந்தார்.

தலைவர்- தல

தற்போது அஜித்தின் வலிமை படம் ரிலீசுக்கு தயாராக உள்ளது. ஆக இம்முறையும் ரஜினி காந்த், அஜித் குமார் படங்கள் ஒரே நேரத்தில் ரீலிசாக வாய்ப்புள்ளன. ஆனால், இம்முறை ரஜினி படத்தை சிறுத்தை சிவா இயக்கியுள்ளார்.

அண்ணாத்த படப்பிடிப்பில் நயன்தாரா

அண்ணாத்த படத்துக்கு பின்னர் மற்றொரு உண்மையும் உள்ளது. அதாவது, முத்து படத்துக்கு பிறகு 25 ஆண்டுகள் கழித்து சரியாக தீபாவளி தினத்தில் ரிலீசாகும் ரஜினி படமாக அண்ணாத்த அமைந்துள்ளது.

இதையும் படிங்க : அண்ணாத்த: 25 ஆண்டுகளுக்கு பிறகு தீபாவளி ரேஸில் ரஜினி